الممنوع مرغوب

سلام الله عليكم ورحمته وبركاته

عبارة سمعتها قبل كده ومش اهتميت بيها ....لكن اكتشفت انها عماد هام للنفس البشرية .....الممنوع مرغوب

مكنتش فاكرة انها مسيطرة اوى كدا على النفس ....

ومنها نفسر ...

*فى اوقات الدراسة بحس ان القراءة هى ملجئى الوحيد من كل الهموم ولما تيجى الاجازة ......بفقد الحماسة ليها خاااالص ولا بمسك كتاب

*تامر وسهى ....لسه مجوزين ...شفتو عسولين ازاى مع بعض
تعالى بص عليهم بعد سنة .....

*تخيل كذا شخص عايش لوحده ..يحلم كل يوم بوالده ووالدته واخوته
يأخذ على نفسه كل يوم عهد انه مش هيغلس على اخوه تانى ...هيفسحه ويخرجه ...
هيقبل كل يوم يد ابواه ...

لكن لما يرجع ويمتلك الأمر فى ايده..مش هيكون دا الحال

السؤال اللى بيفرض نفسه لماذا؟؟

لماذا نريد ما لا نمتلكه ...*هل هى طبيعة فى جبلة الخلق ..مسلم بها ؟

*ام انها حب السيطرة والامتلاك لمجرد ملأ هذا الفراغ ؟

لو كانت الأولى ...فلا تعليق

وان كانت الثانية ....فدا اللى وصلتله

خلق الانسان بغير حكمة ..وفى سعيه للحصول على الحكمة دى تلاقيه يبذل من الجهد ما تبلغه طاقته...متحمس لحاجة اوووووى وبعدين تقل حماسته

كل الناس عايزه تكون شيئا مذكورا ومن احدى الوسائل التحقيق......ان تٌشعر نفسك بأن لك هدف ..

وبتختلف الاهداف....ولكنها كلها بتقوم على حب السيطرة ...

ففى سعيك للنجاح ......تبذل الجهد .....وبتيجى النتيجة ايجابية

لكن النتيجة السلبية برضو موجودة ... واوقات بتوصل لدرجة التدمير

عذرا على هذا المثال ولكنه موجود فى الواقع ...

عندما يحول جيمى كل تفكيره فى اغواء ميمى
...يزهد فى النجاح
..يزهد فى الشلة وصحابه
..يزهد فى هواياته
..بس هدف واحد فى دماغه

ولكى لا يمر الموضوع مر الكرام ...دا اللى نستفيده

غلطت من الاول لما قسمت الممنوع مرغوب الى سببين....هى خليط من الاثنين

خصلة فى النفس ...نحطها تحت عدستنا ..لتعديل الاهداف

بمعنى انه لما تلاقى هدف جديد تسعى اليه ...فكر فيه الأول

شو ممكن تكون النتايج ....فكر فى البداية قبل ما تخسر السيطرة على جماح النفس
واخيرا ...جهاد النفس سمة مميزة جدا للاسلام .....لا تغض عنها الطرف اذا وجدت نفسك ترغب ما لا تملك

!! حجاب الموضة..كارثة في الشارع

..في الشارع ..في الجامعة ..في النادي ..وفي كل مكان

بنقابل بنات محجبات حجاب كامل ..وبنات محجبات ميني حجاب ..وبنات بمايكروحجاب..يعني حجاب استايل جديد

..وهنا بتكون الكارثة

!!بيسموه حجاب

بنت مسلمة ..لابسه بنطلون استرتشت..وبودي ضيق ..ولابسة طرحة ضغنونة على شعرها ..

!!وبتسمي نفسها محجبة

وبنت تانيه برده مسلمة ..لابسة بنتاكور..وبودي إلا ربع ..وبرده لابسة قماشه صغنونة على شعرها

!!بس مخرمة .. وبتسمي نفسها محجبة

وبنت تالتة كمان مسلمة ..لابسة جيب ضيق ..وبلوزة ضيقة ..وطرحة إسبانش..

!!وبرده بتسمي نفسها محجبة

وبنت ..وبنت ..ونماذج كتير غيرهم من حجاب الموضة ..

فللأسف كشفت تلك الكارثة ..إن إرتداء الحجاب لدى الكثيرين من الفتيات أصبح رمزا لا فرضا ..

!!وليس الأمر مقتصر فقط على الفتيات ..بل وأيضا السيدات اللواتي هم نصف المجتمع

معنى الحجاب؟؟

موقف في أحدى المحلات التجارية الشهيرة ..للملابس النسائية

دخلت فتاه محجبة حجاب إستايل جديد مع صديقتها ..وجلست تتجول في المحل تبحث عن لباس يناسب حجابها

..أمسكت بقطعة من الملابس ..وكانت بودي ضيق

وصاحت فرحا ..أيووووة .. هوا دا ..

!!وصاحت صديقتها ..هيبقى تحفة على البنطلون والطرحة الاسبانش

إقتربت منها أحدى زائرات المحل ..وكانت فتاة يبدو عليها الحشمة والإلتزام ..

وقالت بصوتها الهادئ: معلش إسمحيلي أتدخل ..بس عايزة أقولك إن زوقك فعلا يجنن

أنا البودي دا لفت نظري جدا في الفاترينا ..

القتاة تنظر لها مبتسمة : ربنا يخليك ..إتفضليه

الفتاه الملتزمة : تتحول بنظرها إلى التكيف جزءا من سلكه الكهربائي ..

وقالت :شايفه سلك التكيف دا ..

الفتاة مستغربة :ايواا

فأجابتها متأكدة ؟؟؟

الفتاة بعد قليل من التركيز :أيواا السلك في الداخل ..لكنة مغطى مادة عازلة تحجبه

خشية أن يسبب أضرارا للناس

الفتاة الملتزمة : تمام ..وهكذا المرأه ..كالسلك الكهربائي

إذا إنكشفت سببت صاعقة ودمار

!!الفتاه : طيب ما أنا متحجبه

..فتابعت الفتاة الملتزمة حديثها

ياعزيزتي الحجاب هو ستر والعفة والحجاب الشرعي أن تغطي المرأة مالايحل أن يراه منها غير محارمها ..

يقول الله تبارك وتعالى :((قل للمؤمنات يغضضن من أبصارهن ويحفظن فروجهن ولا يبدين زينتهن إلا ماظهر منها

((وليضربن بخمورهن على جيوبهن

ياعزيزتي أنت كاللؤلؤة ..والؤلؤة جمالها في حمايتها وروعتها في سمو هدفها

فأنت لؤلؤة مصونة بحجابك الجميل الساتر لك

****************************************

مشكلات وشبهات في طريق الحجاب الشرعى

أريد أن أكون جميلة

عايزة ابقى بنت مودرن ..إستايل

أريد أن أتزوج

يقول سيد قطب: الزينة حلال للمرأة تلبية لفطرتها فكل أنثى مولعة بأن تكون جميلة
وأن تبدو جميلة..والزينة تختلف من عصر إلى عصر ..ولكن أساسها في الفطرة واحد

وهو الرغبة في تحصيل الجمال أو إستكمالة وتجليته للرجل

والإسلام لا يقاوم هذه الرغبة الفطرية

ولكنه ينظمها ويجعلها تتبلور في الإتجاه بها إلى الرجل الواحد

وهو شريك الحياه ..

والله سبحانه وتعالى هو خلق الأنثى وهو أعلم بفطرتها شرع مايحميها وذلك بالحجاب الشرعي

الذي يداري جسد المرأة كله عدا الوجه والكفيين ..ليداري مفاتنهن ويحميهن من العيون الجائعة

أريد ان أعمل

والآن لاتوجد وظائف وأصاحب العمل يريدونها أن تكون جميلة ومبهرة حتى تجذب الزبائن

نقول لك

هل تريدي أن تعملي عملا تكوني فيه صاحبة عمل ومهارة..أم تريدين أن تكوني عارضة أزياء

العمل رزق بيد الله ..وليس بيد صاحب العمل

تكسبي مهارات خاصة ..كاللغة القويه والكمبيوتر والثقافة الخاصة ..

كل هذه المقومات تجعل صاحب العمل يتمسك بك

الحجاب الشرعي قيد

إنه يقيد الحركة ويمنع الإنطلاق في عصر السرعة

سأذكرك بصحابية الجليلة :نسيبة بنت كعب الأنصارية

هذه المرأة وشخصيتها وتاريخها فخر حقيقي لكل مرأة

"أسلمت وحضرت بيعة العقبة الثانيه مع الرسول -عليه الصلاة والسلام- ،قالت مع النبي في أحد وثبتت معه

ودافعت عنه وجرحت وقطعت يد إبنها ..حتى دعا لها النبي ولأبنائها : اللهم إجعلهم رفقائي في الجنة

!!هذه شخصية إمرأة محجبة محتشمة ..فهل عاقها حجابها عن الجهاد مع رسول الله

وكذلك السيدة جيهان الحلفاوي ..سيدة من الإسكندرية

أبحثي وإقرئي عنها ؟

*******************************

هسة أخيرة في أذنك

نريد أن يكون حجاب النفس قبل حجاب الرأس ، وذلك بحب العفة والإحتشام

نريد أن يكون الحجاب معنى شامل لحجاب الفتاة المسلمة فهو الغلاف الذي يغطي تحته جوهرة عظيمة تحمل الكثير من

الكنوز من الأخلاق وحب الخير للآخرين

بوست طارئ جدااا

..

هيييييييييييييييييييه ...توأمتي مسافرة وهعمل حفلة

بس ياريت ماترجعش في كلامها :D

النهاردة كنت بكلم توأمتى الغاليه من خمس ست ساعات

بعتها مسج ..بنكشها ..علشان أتخانق معاها شويه

لإنها بقالها مده مطنشاني .. وكل شويه تختفي

وبعد إرسال النداءات والإستدعاءات والإتصالات
تظهر بإبتسامتها
المعتادة ..ومعاها حاجات غريبة ..أخبار سعيدة

إفتكاسات جديدة ..وأنا توأمتها بس لما تفتكرني

:D

المهم إتصلت بيا النهارده بعد المسج ..إني كنت بهددها

مش داخله تاني على النت ومش هتكب تاني في المدونة

وهي بترد عليا بكل برآءة وبتقولي لازم تدخلي النهاردة

علشان أنا مسافرة بكرة ..

مسافرة فين يا رورو ؟؟ مسافرة السعودية ..هو أنا مش قوتللك إني

!! مسافرة يوم 19 يوليو

أنا في محاولة فاشله ..إني أكظم غيظي .

. وبلاش نكمل تسييح بقى

***********************

حبيبتي الغالية وصديقة عمري الوفية

..كنت على أمل أن ألقاك هناك بعد فراق دام

لإكثر من عام وأكثر من شهور عديدة

لكن هو قدر الله عز وجل

أراك على خير قريبا وصحبتك السلامة

لانتسيني في صالح دعائك

هتوحشي المدونة يا بحب الحق

ماتغبيش كتير

أستودعك الله الذي لا تضيع ودائعه

العلاج بالعمل

سلام الله عليكم ورحمته وبركاته

البشر شرائح مختلفة ...انهرضة هركز على شريحة منهم

فى بعد الافراد ...بيكونوا دايما فى حوار نفسى دائم ....مفيد ان الواحد يفكر فى كل حاجة حواليه ..فى المستقبل ...حلول لمشاكل ...الظروف المحيطة

بس فعلا متعب اوى الموضوع ده ...وانا مش الاشخاص دول

مش ببطل تفكير فى كل حاجة .....دماغى بتورم

فلقيت انى اشغل نفسى فى حاجة مفيدة احسن من انى افكر فى حاجة اقل افادة

وخصوصا لما الوقت بيبقى فاضى ...مفيش واجبات معينة ..او حتى لو كان الوقت مشغول وانت خلاص مش قادر تدى اكتر من كده...هتلاقى الحاجة الوحيدة المتاحة ...التفكير

من هنا جه فى نفسى معنى العلاج بالعمل

ودا تعريفى الشخصى له ::

اوقات بيكون الواحد مضايق بسبب او من غير سبب ...اوقات السبب ده بيكون دائم ولازم الواحد يتأقلم عليه ...طيب ايه الحل دلوقتى ؟

انك تفضل مضايق علطول ..لا طبعا

الحل انك تشغل نفسك اوى فى شغلك ...او فى اى عمل مفيد بشكل عام

يعنى مثلا ...اوقات بحط فى دماغى مثلا .....انى هخلص كتاب معين فى يوم

بيبقى كتاب كبير جدا ومش ممكن بالعقل يخلص فى يوم..بس بحط هدف فى دماغى انه يخلص وبشغل نفسى فى القراءة ده

بعد فترة من التعود على الموضوع ده .....هتنسى انت كنت مضايق ليه اصلا ..

وهتعمل لنفسك علاج ذاتى ..من غير ما تحتاج انك تتكلم وتتحسس نفسك انك عندك مشكلة عويصة والحقيقة ان مفيش مشكلة اصلا

هى تجربة حصلت معايا وقلت اشاركها معاهم يمكن تستفيدوا بيها

كان نفسى اوى اجيب مثال حى من افراد عظماء كلنا نعرفهم عن الموضوع ده

بس مش لاقيه .....عندى بس مثال لشخص اجنبى

هقوله وامرى الى الله :

مغنى قدر فى فترة صغيرة جدا يحقق شهرة كبيرة بسبب ان مراته سابته

ما علينا من الوضع نفسه

بس الوضع بالنسبة له كان مدمر ....وكان مضايق بقى والقصص دى

بس مش قعد فى بيتهم واستسلم لليأس والحزن ..لالالا

حول كل الطاقة السلبية دى لطاقة ايجابية وشغل نفسه فى الشغل لدرجة كبيرة جدا

وفى حوار معاه بعد كد بيقول :نصحنى طبيبى النفسى ان اغرق فى العمل كما لم افعل من قبل ...استمر فيما عزمت عليه حتى بلوغ القمة

وقرر فى نفسه..ان يخطو كل يوم خطوة اكبر من اليوم الفائت

واختم قصته بقوله ::كل ما حققته فى دنيا الموسيقى انبثق من الألم

لو هو قدر يعمل كدا ...احنا بقى كمسلمين ...حياتنا اسلامنا ....ممكن نقدر نعمل ايه؟؟

النقطة الجوهرية ان المسلم الحق ..عنده مسلمات مترسخة بصورة قوية جدا تخليه عنده ايمان ان كل حاجة خير

.....................................

خلاصة الموضوع ....التفكير والضيق اللى ممكن ينتج منه بشكل عام بحر وااااسع ....لو دخلته هيشدك من غير ما تحس ....دا له تفسير فى علم النفس ما علينا منه

المهم اننا نتخلص منه بسرعة ؟

من تجرتى دى احدى الحلول اللى ممكن تكون مفيدة

فى امان الله اترككم وعلى حب الله القاكم

!!داري على شمعتك تقييد

داري على شمعتك تقييد" هو أحد الأمثال المصرية الشائعة التي يؤمن بها الكثيرين ..حتى أصبحت المدراه و المصلحه

!!هي أحد الخصائص المميزة للشعب المصري حاليا
أنا أؤمن بحديث النبوي الشريف "إستعينوا على قضاء حوائجكم بالكتمان ..لكن ماذا عن كتم العلم ؟

!!أنا طالبة جامعيه ..أقضي معظم واقات الصباح في كليتي ..وبين زملائي ..وحدث ولا حرج

كله بيفهم في خباثة .. وبيزبط حاله وبيمشي مشي المصلحة ..تشرحلي أشرحلك ..تاخد كورس معايا أعرفك
!!غير كدا معرفكش .. وبيداري وبيخبي ..لحد إني أصبحت أعتقد إنهم بيذاكروا على أضواء الشموع تحت السرير
..ونادرا ما نجد الطالب ذو النفسية السويه المعاون لزملاؤه

لماذا لم يداري هؤلاء على شموعهم .. ؟

ففي كل حضارة وفي كل ثورة معلوماتيه نجد من يقودها أعلام من الفكر ..وهي نتاج تجمع وإتحادات جهودهم ,,
فإذا ألقينا الضوء على الحضارة الإسلامية سنرى إتحادات جهود العلماء المسلمين ليتكروا لنا أروع الدرر في مجالات العلوم المختلفة ..فهاهو شيخ الإسلام بن تيمية وتلميذه ابن القيم الجوزية في علوم الفقه والإمام البخاري وتلميذه مسلم في الحديث الشريف ..
الشيخ الرئيس ابن سينا .. يتلقى الطب من علوم أساتذته ابى منصور القمرى ، وابى سهل الجرجانى ويفوقهما
علما وبراعة .. وفي مجال الإكتشافات الحديثة والمخترعات نجد الكثير والكثير ممن أوجدوا وأنجزوا كاكتشاف العالمان واطسون وكريغلحامض الوراثة..أهم ما يقوم عليه مجال الكمياء الحيوية .. و"ستانلي بونس" و "مارتن فلايشمان" في تحقيق الاندماج النووي البارد

!!والمخترعان الاخوان دافيد وكريس بايني اللذان نجحا في تقديم مصباح كهربئي غير قابل للكسر

أما عن ما وجته أخيرا علاج جديد تم التوصل إليه للقضاء على فيروس الالتهاب الكبدي الوبائي سي..وهو مستوحي من الطب النبوي الشريف والبحث مازال في طور التجربة ويحتاج إلى بعض الدراسات للتأكد من الحقائق.صاحبا هذا الاكتشاف هما

.... العالمان المسلمان د. محمود إسماعيل، ود. سعد الصاعدي، اللذان قدما بحثين يؤكدان حقيقة هذا العلاج

...!طيب ما الإختراعات والإكتشافات حلوة وجمليه وبتكون تضافر لجهود أكثر من عالم

إذن أين تكمن المشكلة ..؟

أعتقد أنا ما حل بنا من فقد روح التعاون العلمي والدراسي .. هو مكتسب تربوي ثقافي خاطىء..

نابع من تنشأه معتقدات خاطئه .. بعيده عن تعاليم الإسلام الذي حث على التعاون ..وعن ثقافة أمجاد الإسلام الذي قدمت للبشرية

من العلوم والفنون ماقدمت ..بالإضافه إلى مانسير عليه من منظومة تعليمة فاشله ..نفتقد فيها تنمية قدرات التواصل المعرفي الجماعي..

وخلينا قاعدين بندراي نداري ..إلى أن أصابنا إختناق من غاز ثاني أكسيد الكربون و أضلمت شموعنا ..حتى أصبحنا في ذيل القافلة

لم اعد احتمل

سلام الله عليكم ورحمة الله وبركاته

هذه احدى دخائل نفسى واحببت ان تشاركونيها

كثيراما نشعر بهذه الشجون لكن الاهم الا نستسلم


لا احتمل....ان ارى الحق يندثر تحت التراب منسيا

لا احتمل...ان ارى ما هو بديهى اصبح موضع خلاف لا اساس له

لا احتمل....ان ارى هذه الفجوة الكبيرة بين ما نريد وما نحن عليه

لا احتمل....ان ارى الجهود تٌهدر ونحن فى أمس الحاجة لها ..نحن نغرق

لا احتمل ....ان ارى الاشقاء يتصارعون

لا احتمل ....ان اعيش واموت ونحن فى ذل
.................................................

لا احتمل....ان يتحقق"اقترب للناس حسابهم وهم فى غفلة
معرضون"

لا احتمل ....أن يتحقق "انما هم فى شقاق

لا احتمل....ان ارى قول بن الخطاب يتحقق ونحن غافلون ..
فمهما نبغٍ العز بغير ما اعزنا الله ....اذلنا الله

لا احتمل....ان ارى الدين هامشيا فى الحياة

لا احتمل....ان ارى الدين لا لباب ولا قشور
..............................................................

لا احتمل....أن ارى الشباب الحق يصبح سرابا بما يلاقى من اضطهاد

لا احتمل....أن أجد الاحلام تموت فى قلوب الشباب

لا احتمل....ان أغتر بالسراب واستمر فى الجرى وراءه

لا احتمل....ان استيقظ كل يوم على احلام اصبحت مستحيلة

لا احتمل ...ان ارى هذا الضعف فى نفسى ولا احرك ساكنا

لا احتمل....ان أرانى أهوٍى ولا استطيع انقاذ نفسى
لا احتمل مصارعة احزانى

لا احتمل....ان اجد كل من حولى يلموننى فى كل ما افعل

لا احتمل....ان أٌحاكم كل يوم بدون ذنب اقترفته

لا احتمل....ان ارى هذا الحزن فى القلوب ولكن ما باليد حيلة

لا احتمل....ان ابتسم و قلبى ينفطر حزنا

لا احتمل....ان ارانى عاااااااااااااااااااااااااااجزة

هذا ما اشعر به ولم اعد احتمله ...ولكن :

· اشد ساعات الليل ظلاما اقربها من طلوع الفجر
· انما منعك ليعطيك
· لن تبلغ المجد حتى تلعقا الصبر
· لا يلبث البركان ان يثور
· يزول الالم ويبقى الاجر


هذا ما اصبر به نفسى....والله المستعااااااااااااااااااااااااااااان

فبعد العسرٍ يسر ٌ آجلٌ ...وأقرأ الم نشرح

فى امان الله اترككم ...وعلى حب الله القاكم

.......

على هامش التدوينة

لا احتمل....ان أغتر بالسراب واستمر فى الجرى وراءه

هذه العبارة هى اكثر ما اشعر به ولم اعد احتمله