أصعب ألم

اوقات بسرح مع نفسى وبفكر فى أحوالى او احوال اللى حواليا

اول امبارح كانت أسنانى وجعانى

جه فى دماغى سؤال غريب ::ايه أصعب ألم؟؟

اول حاجة جت فى دماغى ....ألم الأسنان ....لأنى عنيت منه اليومين اللى فاتوا أوى ...وحسيت قد ايه صعب فعلا

كنت بحس انى عايزة اكسر اسنانى ....المهم الألم ده يروح

بس الحمد لله

بعد كده قلت لنفسى لا ....اصعب ألم فقدان عزيز عليك

كأنك فقدت جزء من نفسك....حتى كل ذكرى جميلة بتتغير

النفس بتحسها بإحساس تانى ....بتشوفها بشكل مختلف

احساس النفس بكل لحظة حلوة من غير الناس اللى بتحبهم بتبقى مؤلمة

"وكان الانسان ضعيفا"

فالنفس لا تملك الا حزنا ان فقدت حبيبا ....والعين لا تملك الا دمعا ان فارقتهم

وهذه سنه الحياة .....لقاء وفراق .....ولا تملك النفس حيالها شيئا

وبعدين فكرت تانى ....قلت لا

أصعب ألم ...هو انك مش تحقق اللى حلمت بيه

او اللى تعبت اوى عشان تحققه

طبعا اولا وأخرا قدرالله وماشاء فعل ....انما أمره ان يقول له كن فيكون

بس ولو لحظيا...بتحس انك واقف بتحاسب نفسك...انا عملت ايه غلط؟؟

انا قصرت فى ايه؟؟

كان ممكن أغير ايه؟؟

مش زعل ...بس خوف من التقصير

وبعدين لقيت نفسى مخضوضة اوى

لقيت ان أصعب ألم بيختلف من وقت للتانى

وكل مرة الواحدة بيحس ان مفيش اكتر من كده

لأنه بيبقى شايف الموضوع من زاويته هو بس

فاكر انه مقصور عليه لوحده

لكن لو خرجنا بره دايره نفسنا ....هنحس ان فى حاجات تانية كتير

فينا وفى غيرنا

أحصاه الله ونسوه

العبد الذى أغلق الأبواب مجتهداً على المعاصى وعين الله تنظرنى

تمر ساعاتى أيامى بلاندمِ ولابكاء ولاخوف ولاحزن

ولى بقايا ذنوب لست أعلمها الله يعلمها فى السر والعلن

ماأحلم الله عنى حيث أمهلنى وقد تماديت فى ذنبى ويسترنى

فأنى لى بين تلك الأهل منطرحاً على الفراش وأيديهم تقلبنى

وقد أتوٌ بطبيب كى يعالجنى ولم أرى الطبيب اليوم ينفعنى

واشتد نزعى وصار الموت يجذبها من كل عِرق بلا رفق ولا هونِ

وقام من كان أحب الناس فى عجلِ نحو المغسل يأتيه يغسلنى
فجائنى رجلً منهم

فجردنى من الثياب..وأعرانى.. وأفردنى .. وصب الماء من فوقى

وأودعنى على الألواح منطرحاً وصار خرير الماء ينظفنى

وغسلنى غسلاً ثلاث ونادى القوم بالكفنِ

فحملونى على الأكتاف اربعة من الرجال وخلفى من يشيعنى
وقدمونى الى المحراب وانصرفوا خلف الإمام .. فصلى وودعنى
صلوا عليا صلاة لاركوع لها ولاسجود لعل الله يرحمنى

وأخرجنى من الدنيا فواااااااااأسفاه على رحيل بلا ذاد يبلغنى
وأنزلونى إلى قبرى على مهلِ وقدموا واحداً منهم يلحدنى
و

كشف الثوب عن وجهى لينظرنى فأسكب الدمع من عينيه أغرقنى
وقال هلٌوا عليه التراب وانصرفوا..وقال هلٌوا عليه التراب واغتنموا
حسن الثواب من الرحمن ذى المنن

ومنكر ونكير ماأقول لهما

قد هالنى أمرهما جداً فأفزعنى وأقعدانى وجدا فى مسائلتى

مالى سواك إلهى من يخلصنى
مالى سواك إلهى من يصدقنى
وتقاسم الأهل مالى بعدما انصرفوا وصار وزرى على ظهرنى فأثقلنى
فلاتغرنٌك الدنيا وزينتها وانظر الى فعل الأهل والوطنِ

يانفس كفى عن العصيان..واكتسبى فعلاً جميلاً لعل الله يرحمنى
يانفس ويحكى.. توبى واعملى حسناً عسى تجزين بعد الموت بالحسنِ

وامنن عليا بعفو منك ياأملى
فإنك انت الرحمن ذو المنن

ويبقى ال 1000

سلام الله عليكم ورحمته وبركاته

المدونة فعلا وحشتنى اوى اوى

حاسة انى بقالى كتير بعيدة عنها

بس الفترة اللى فاتت كانت مدربكة معايا مع ان مكنش فى حاجات كتير بس حاسة انى شاغلة دماغى على الفاضى

ما علينا

انا جاية انهرضة بخبر مهم جدااااااااا

الا وهو ان باقيلى ألف يوم فى كلية الطب البشرى باذن الله

وده طبعا حدث فريد من نوعه

الموضوع مش فى التخرج فى حد ذاته اكتر منه احساس انى بقيت طبيبة ...

انا مش عايزة اللقب بس عايزة احساس انى بعد الألف يوم دول هبدأ المشوار بجد

الاحساس بالمسئولية !!

انا عارفة ان كلامى يضحك صح؟؟

بس الاحساس قوى اوى جوايا انى ماشية فى طريق ميسر لى

بحس انى بتوه فى الدنيا دى وبلف بلف ارجع للطب

دراسة الطب دى من اجمل الدراسات وشغلها لو اخدته من جانب غير الجانب المادى هتحس انك راااضى اوى

بتحس اوى بعظمة ربنا ....وبتقول سبحان الله

أوقات لما بفكر فى القلب والنبض وكده ...بحس بجد انى خايفة...

تخيل حاجة بتشتغل طووول عمرك ومش بتقف ابدا ...

انا مجرد انى اركز مع صوت نبضات القلب بحس انها بتتلخبط

سبحان الله بجد

ويعدين تشوف ناس تعبانين يمكن يكونوا قدك او حتى اصغر وتقول الحمد لله

كل مرة تقول الحمد الله الذى عافانى مما ابتلى به غيرى وفضلنى على كثير ممن خلق تفضيلا ...ربنا بيحفظك من االمرض ده

تخيلو بقى ...كام مرض بندرسه وكام حالة بنشوفها وبنتعامل معاها

اوقات بحس انى لو مكنتش فى الكلية دى مكنتش هعرف اعيش ...كان هيجيلى اكتئاب حاد

الحمد لله

الحمد لله

الحمد لله

ويبقى الألف

ربنا يوفقنا جميعا فى الفترة الجاية ويرزقنا فيها البركة وحسن التدبير

أحساسيس كتير جوايا بس مش قادر اطلعها

؟؟؟

اوقات بحس انى نفسى اجيب استيكة وامسح من حياتى وذاكرتى كل حاجة بضايق منها

مجرد احساس

فى بعض الأراء بتقول لا ....البداية الجديدة بتخلى الواحد يبدأ تانى من الصفر

فعلا معاهم حق لو الواحد مش اتحط فى موقف معين وغلط فيه....مكنتش هيتعلم انه ميغلطش فيه تانى

بس المشكلة ان اوقات الواحد مش بيتعلم :(:(:(

وتدور الدائرة تانى ...كأنها دايرة مفرغة

اللهم توفنى مادامت الوفاة خيرا لى و احينى مادامت الحياة خيرا لى

كرسى فى الكلوب

السلام عليكم ورحمة الله وبركاته

انهرضة عايزة اتكلم فى موضوع غريب شوية

الا وهو السيطرة النسائية

فى فترة العشرين تلاتين سنة الأخرنين ظهرت النساء فى كل مجالات الحياة بمعنى الكلمة

اختى فى كلية فنون جميلة .....عندهم حفلة للأوائل ... عشرين على مستوى الأربع سنين...منهم ولد واحد بس

اول ما دخلت سنة اولى ...كان كل اللى بيديونا ستات ...ستات ....بجد كانت حاجة مش حلوة

لما وصلت رابعة اكتشفت الرجالة راحو فين؟؟....معظمهم فى الاقسام الاكلنيكية

مش عارفة انا بقول كده ليه....مع انى المفروض انتمى الى هؤلاء

تلاقى دايما الناس مش بيحبو يرحوا لدكتورة....تسألهم ليه عشان اكيد مش شاطرة

فى احساس بعدم الثقة

يمكن عدم تقبل لدخول المرأة عالم العمل الفعلى لأن فى قناعة داخلية ان مكانها تكوين الأسرة

مش عارفة ...بس ده لا يمنع ان فى ناس عملت موازنة رائعة ونجحت فى الاتنين

انا بحس انى اول ما الاقى دكتورة داخلة المحاضرة ....لسان حالى بيقول ...انسى انك تفهمى حاجة انهرضة يا رضوى

طبعا دى مش قاعدة خالص ...بس دا الكونسبت اللى فى نفسى

كل لما اقول لحد كده ...يقولى انتى بتفكرى كده ازاى مع انك المفروض هتطلعى دكتورة

يعنى مش هتكونى واثقة فى نفسك؟؟؟؟؟

مش عارفة بصراحة ...بس بفكر فى الموضوع كتير !!!

مش هسأل هل ممكن الست تقدر تثبت نفسها ولا لأ؟؟ لأن فى نماذج فعلية

بحس ان مهما كانوا ديفوتت للشغل بس بيبقى فى حاجة ناقصة

او يمكن انا يكون عندى مشكلة ثقة فى الستات

بس لازم نعترف بحاجة ان الستات بيتحملوا المسئولية كويس وقادرين فعلا على تنظيم حاجة بشكل جيد

فى عندنا حاجة اسمها وحدة الجودة فى الكلية ...اللى ممشينها كلهم دكاترة فيميلز...يمكن برضو عشان هما اللى فاضيين

مش عارفة ...بس فعلا عملو جهد فوق الراااائع

حاسة ان البوست ده متلخبط اوى ...حد فهم حاجة فى الأخر

Crossing the road!!!

Crossing the road!!!

Suppose that there ia a road of 2 opposite ways
When u r waiting for the chance to cross one,it is totally unimportant to consider that the opposite one is empty and u can pass through, simply bc u r still in the 1st one
So , what is the benefit fr. thinking of thing u wouldn't do it now.

Life is just like that , don't rush up, wait 4 the proper time

What is the benefit fr thinking about what to do in 9:05 am instead of thinking ab. What u actually 've to do in 9:00 am

Same in life , 2012 'd never preceed 2009

So be patient and seek this balance

We r in a kind of game , u 've to pass this lever successfully to be transferred 4 the nxt
Hoping to get what I want to say

من أحلى ثلاثة أيام فى حياتى

من أجمل ثلاثة أيام فى حياتى قضيتهم من حبيية قلبى ...صديقتى العزيزة....اشاش

بجد فعلا كانت فترة جميلة اوى ...استعدنا فيها ذكريات مميزة

مش عارفة احكى ايه ولا ايه !!

بدأنا رحلتنا فى تمام الثامنة والنص صباحا !! ...القطر بصراحة كان نص نص عشان حضرتى مش استشرت اشاش الأول قبل ما احجز بس عدى ووصلنا الحمد لله

طبعا صديقتى العزيزة كانت مستنيانى فى المحطة وبنت خالتها العسولة اوى...روحنا اكلنا كتييييير وقعدنا نرغى لغاية الساعة २ بليل

تانى يوم صحينا متأخر اوى ...أول مرة اصحى فى حياتى متأخر كده

فطرنا وبعدين نزلنا ...اتمشينا على النيل ....من أجمل الكورنيشات اللى ممكن الواحد يتمشى عليها بجد

البلد هناك فوق الرائعة واحلى حاجة انها هادية وفاضية ونضيفة

وبعدين رحنا اتغدينا (انا اتكلمت عن الأكل كتير اوى مش كده!!)..

بعديها طلعنا على صناع الحياة ...حضرنا ندوة هناك ...كانت حلوة بس الانسة صاحبتى مشيت وسابتنى

المهم خلصنا الندوة وبعدين رجعنا الكورنيش تانى وشربنا عصير واتمشينا للبيت

تانى يوم رحنا الجامعة ...فعلا جميلة جدا ...اكنها مدينة جوة المدينة ...مش هقول احلى من عين شمس طبعا ( تحيز بقى ) بس فعلا جميلة

طبعا عديت على طب واطمنت عليها :):)

وبعدين جه وقت الفراق...دايما الوقت الحلو بيعدى بسرعة

مش عارفة اقول ايه بس فعلا قضينا وقت جميل اوى فى مكان مريح نفسيا

بس الأجمل طبعا انك مع ناس بتحبهم ...ربنا يجمعنا تانى على خير

انا بجد مش عارفة اوصف ازاى كانوا يومين حلويين اوى...

اول ما رجعت ...حسيت بفراغ كبييييير اوى ...وكل شوية ارن على اشاش...ازعااااج انا عارفة

فى عبارة للامام الشافعى بتقول :

سافر تجد عوضا عمن تفارقه....وانصب فان جميل العيش فى التعب

المرة الجاية بقى هحكيلكو على مغامرتى فى طنطا

عندما....

اولا احب ابارك لكل الناس على الاجازة

وعقبالكو لما النتايج تظهر:)

كتير اوى بنحس اننا مضايقيين ...فحبيت اشارككو بعض افكارى وانا مضايقة محاولة فى الهروب من الضيق بالتفكير

حاجات كتير بنكون عارفينها لكن مش بنعرف نتجاوز من حد المعرفة الى مجال الفعل

عارفيين ان المفروض نبذل اقصى جهد ومش نضيع وقت ....

عارفيين ان المفروض نخلى القراءة عادة....

عارفيين ان مش لازم نبص لأحزان الماضى ونكمل طريقنا!!!

عارفين ان دى احلى سنين حياتنا ...مفيش التزامات ...مفيش مسئوليات ...

عارفين حاجات كتير اوى بس مش كلها فى دماغنا فى كل وقت ..عشان تهون علينا يعنى

لما بفكر فى الناس الكبار شوية فى السن .....بقول لنفسى يارضوى هيجى عليكى الوقت اللى عايزة تعملى فيه حاجات ومش هتقدرى

فاعملى دلوقتى وانتى قادرة ...عشان هيجى اليوم اللى عايزة ومش قادرة

______________________________________________________

وانا مضايقة دلوقتى ...قعدت اجيب صور لناس مشوهيين...عندهم اطراف مقطوعة...مقعديين

ناس عندهم مشاعر واحلام ...بيفكروا وعندهم رضا غريب بجد...اللهم بارك

رغم اللى فيهم بس عندهم أمل ...عندهم ايمان قوى ...متمسكيين بحلمهم اوى

لما بفكر فيهم بحس انى تحت اوى ...الحمد لله ربنا انعم عليا بالصحة والعقل....بس اوقات بضيع كل النعم دى فى لحظات ضيق او زهق !!

فعملت فولدر عندى فيه صور كده ...وسميته اتقى الله

بس بجد اوقات مش بقدر ...كأنى متكتفه

__________________________________________________

اوقات بنحس انى لوحدى اوى ...وبفكر كتير اوى ...اكتر من اللازم

انفكر فى حاجات كانها منقذة ليا من الوحدة !!بس لما الحاجة دة تتحقق...ملقيش انها بالصورة الحالمة الرائعة اللى كنت حاطاها

فاللى طلعت بيه...ان مش لازم استنى حاجة...همشى فى طريقى زى ما ربنا كاتبه

ياربى لك الحمد

سلام الله عليكم ورحمته وبركاته

من زمان مش كتبت حاجة ...كنت مشغولة فى حاجات كتير॥منها الشرعى طبعا بس الحمد لله خلصته وبدأت الأنف والأذن

ما علينا

انهرضة بعد ما صليت الفجر قعدت ادعى شوية واحفظ وردى ...جالى خاطرة غريبة اوى ومخيفة

انى عمرى ما حمدت ربنا انه نزل على سيدنا محمد القرأن ...دايما بدعى انى اكون من حملة القرأن ...وحاسة انه نعمة كبيرة انى احفظه بس عمرى ما كنت فكرت لو مكنش عندنا كتاب من ربنا اسمه قرأن كنت هعمل ايه!!!

يااااه كام مرة كنت مضايقة ومسكت المصحف أقرأ فيه!!

وكام مرة احس بمعنى أيه اوى كأنى عمرى ما قرأتها قبل كد!!

وكام مرة بقرأ سورة واعرف اسباب نزلوها واتعلم حاجات كتير اوى !!

لو كل ده كان مش موجود...يااااه ...كنا خسرنا وتعبنا اوى اكتر مااحنا تعبانين

فياربى لك الحمد ان رزقتنا كتابا من عندك ।تهدى به نفوسنا ॥وتفرج به عنا

ياربى كيف أحمدك وحمدى لك نعمة تستحق الحمد

انا عارفة ان حاجات كتير موجودة فى حياتى وعمرى ما حمدت ربنا عليها ....بس بجد لما فكرت فى القرأن ...وانى عمرى ما حمدت ربنا عليه ...كوجودة معانا مش كحفظ ...حسيت انى اترعبت بجد