و سارعوا

يا باغي الخير أقبل ..ويا باغي الشر أقصر

ها قد تبقى بعض السويعات لتهب نسائم الخير والبركات ..

مبارك عليكم الشهر الكريم وكل وأنتم بخير

في الفترة الماضية ونظرا لإنقطاع الإنترنت ..سنحت لي بعض الفرص لمشاهدة الفضائيات على التلفاز ..

ولما كنا في أوج الإستعداد الروحاني والإيماني لهذا الشهر الكريم ..كانت القنوات الفضائية في أوج إستعدادها أيضا

!!! وياله من إستعداد

فما أكثر الدعايا والإعلانات لمتابعة المسلسلات ومن يسومونهم بنجوم الشاشات العربية..

وبرامج الفوازير واللهو ..وكأن شياطين الإنس والجن إتحدت لتعد العدة الشرسة لإستقبال المخذل هذا الشهر الكريم

إنتقاما ..وحتى تكون هدئة البال ..مطمئنة لصرف المسلم عن التمتع بلذة العبادة ..قبل أن تصفد وتغل بالسلاسل عندما يهل هلال رمضان ..


فأين المسلم الفطن الذي يعي تلك المؤامرة الشرسة ..التي سوف تحرمة من الجوائز العتق والغفران والفوز بالجنان



فيا باغي الخير أقبل ويا باغي الشر أقصر ..فالجدير بالمسلم في هذا الشهر الكريم أن يكون له خطة عمل ، ليجني من الخير ما يستطيع أن يجنيه .وفي رمضان كان رسول الله صلى الله عليه وسلم وأصحابه أكثر ما يكونون قوة وحيوية ومثابرة على العبادة ومضاعفة لها

فهو شهر الصيام والقيام والجود والبر والقرآن ..وفيه ليلة خير من ألف شهر ..من حرم خيرها فقد حرم

أكرمنا الله وإياكم بها ..

وتقبل منا ومنكم صالح الأعمال ..

هايبر تاج ..يصحصح من النوم دا

أهلاااا ..صح النوم مدونة دروب الحياة ..

إلا هي المدونات بتنام فعلا

الحقيقة وصلني تاج من فترة مايقرب من أسبوعين تقريبا

من مدونة صدوقة ..وهي هتكلم وهقول

أنا أول ما وصلني ...إتفزعت

خصوصا إنه هااااااااايبر تاااج :(

لكن بعدها سلمت أمري ..وتوأمتي دبستني وأصرت إني إللي هرد الأول

سلمت أمري لله ..وبقالي أكتر من أسبوع ..نويت إني أرد

بس كل ما أفتح المدونة علشان أرد ,,تحصل مشكلة

لدرجة إني قفشت من التاج .

ودا أول وآخر تاج هرد عليه إن شاء الله
عفوا يعني

بداية التحقيق ..قصدي التاج

.

.

.

ما رأيك في جريده الدستور ؟

هل تثق في جريده الدستور ؟

أبدا ..بنشف عليها النعناع الأخضر

في الفترة الأخيرة أصبحت غير متابعة للصحافة المصرية

لإني حسيت بالقرف والصفاقة إتجاهها

ما رأيك في شويه المدونات دي ..( أنا إخوان .. إبن أخ .. حلم الحريه .. مش حاسكت .. جهاد المصري

أنا إخوان :تغطية صحفية بارعة من قلب الأحداث على الساحة السياسية الإخوانية

إبن أخ : دماغ عالية ..وكتابات قويه ومؤثرة كثيرا

حلم الحرية : بتجيب هوا حلو ،هههههههه جميلة ورزينة

مش حاسكت :أتمنى بشدة التشرف بزيارتها

جهاد المصري : إسم واحدة صاحبتي ،ههههههههه

أتمني أيضا التشرف بزيارتهم ..

يبدو عليهم مدونات قويه طلما إقترنت بأسماء المدونات السابقة

ربنا يكرمكهم

.

هل بعد قراءتك للإجابتين إللي فاتوا .. حسيت إن أنا أيه ؟؟ ولا تنسي الصدق ؟

حسيت بالفخر بأقلام أخواني ..حسيت إن فيه أمل في شباب أمتنا

حسيت إني بتمنى أكون في يوم من الأيام بشاركهم كتابتهم القوية

بشاركهم نصرة أمتنا

:)

أنا بحبكو في الله .. فهل تحبونني ... ولا تنسوا الصدق ؟

إحم إحم ..طيب هو حضرتك مين يعني ؟

:D

أحبكم الذي أحببتونا له ..ونحن أيضا نحبكم في الله

هل تعمل في السياسه والعمل العام أكثر من الربانيات والروحانيات

إمممم..في الحقيقة هو في ظاهر الأمر ..نعم ..

لكن لربما يوصلني عملي لأهداف سياسية أيضا

هل الدستور تحب الأخوان ..أم تستغلهم ؟

هههههههههههههههههه، السؤال دا مضحك أوي

إحنا في مصررررررررر يا نااس

****************************

.

.

تااااااابع ..التاج

.

.

.

.

اسم مدونتك ؟.

دروب الحيـــــــــــــــــــاة

لماذا اخترته .. وماهي نيتك من وراء اختياره ؟

هو الحقيقة لست أنا من إختارته ، هو كان إختيار

عزيزتي نور..ظل قلم

وعرضته على بحب الحق ، أعجبت بيه كثيرا

لكن أنا الحقيقة كنت بشعر إتجاه بإختناق شديد

لم أجد له تعبيرا في نفسي ..غير

ماذا عندما تجبرك كلمات على التعبير ؟

لكن الحمد لله أجبرتي ..وعبرت عنه في أول بوست

:)

هل فكرت في إغلاق مدونتك ؟ والسبب ؟

لا الحقيقة ، لم أفكر ..مدونتي لازلت حديثة العهد

أتمنى لها زهوا وإشراقا

يمكن يجي اليوم دا مين عارف :D

صورتك في المدونة ورمزيتها ؟

يادي الإحراج ،

الحقيقة حتى الآن لم أجد صورة تعبر عني أو عن مابداخلي

لكن ..جاي الإبتكار إن شاء الله

لماذا دخلت عالم التدوين من الاساس ؟

دخلت عالم التدوين لإني قررت إني أكتب وأتكلم

إني أعبر عن كل مابداخلي

حسيت إني هيكون ليا عالم خاص

قرررت إني أصقل مهارتي في الكتابه والإبداع

قال يعني عندي إبداع أصلا ــ

جمله قيلت لك فى وصف مدونتك ؟

:D

مدونتي حتى الآن لم تحظى بالقدر من المتابعة والقرآءة ولامن الموضوعات

بس عموما حتى الآن ..هي مدونة رقيقة وأنيقة

والحقيقة أتمنى الوصف دا يتغير ..

عايزاها مدونة شرسة

التعليقات بالنسبه لك .. اهميتها ؟

تماما كأهمية الكيبورد للكمبيوتر

هههههههههه، بالطبع التعليقات جزء لا يتجزأ

من المدونة ..فربما تضيف لي توجيها أو آخر ..

نصيحة ..تشجيعا .. وأخيرا شعوري بأن هناك

من يشاركني كتابتاتي ..يشاركني مشاعري

إحساس جميل

:)

احلى بوست كتبته ...ضع اللينك ثم اذكر لماذا ؟

يادي الأحراج تااني

لسه ، جاي في الطريق إن شاء الله

أفضل مدونة قرأتها ؟

حقيقة كل المدونات إإلي في مفضله مدونة هتكلم وهقول

هي من أفضل ما قرأت

حد قل أدبه فى التعليق إيه رد فعلك ؟

حتى الآن ..لا الحمد لله

أسوأ بوست أسوأ مدون ؟

إممم،

نو كومنت ..

هيحصل ايه لإيميلك لما تموت ؟

هيتحلل ..وياكله الدود

اديت الباسورد لمين؟

لأختي ..لكن الحقيقة لم أوصيها بفتحه بعد وفاتي

كانت إيه طبيعة علاقتك بيه ؟

شقيقتي :D

.

.

.

اسمك؟

إسمي ..على وزن إسم الفاعل ..من فعل ثلاثي معتل الوسط

أي أجوف ..بيدأ بحرف ....

A

ههههههههههههههههههههههه

المشهور بيه وسط اصحابك ؟

ضيغة المبالغه من نفس الفعل

:)

شخصيتك نوعها إيه ؟

ممم

سيكبواتية متحورة حول اللاوعي الانطوائي المتمركز حول الوعي الجمعي للأسرة

ههههههههههه

بحب الحق ..أبقى جوابي على السؤال دا يا دوك

السفر بالنسبة لك ؟

السفر ..تغيير محل الإقامة ..

شيء جميل ، متعة بالنسبة ليا

لكن السفر ..يعني أثناء الطريق ..

عذااااب ..وحتى ولوكنت في طيارة الريس

أنا بتعب جداا من السفر

:(

وقت فراغك بتعمل فيه إيه ؟

بقعد لوحدي ..بفكر ..بسرح في أحلامي

أحيانا بشوف أي حد من بني البشر أحكي معاه ..لكن مش

دايما

وعموما هو وقت افراغ بيكون في الاجازة بس ..وبيكون في أغلب

الأحيان مقتول على الإنترنت

لكن أيام الدراسة ..الحمد لله ..بندور على اليوم تامن في الأسبوع

:(

المود بتاعك ؟

الهدوء ,,وحتى ولو باكل في نفسي

بحب أكون هاديه ..والجو إللي حواليه هاااااااادي

وأحسن يكون صااااااااامت

الصفات اللي أخدتها من بابا ؟

الهدوء والصوت المنخفض :)

الصفات التي أخدتها من ماما ؟

إممممـ، هبقى أسألها

:D

اكتر ست حاجات بتكرهها ؟

الكذب والعند والعصبية

القهر والظلم والطغيان

المزعومة دولة إسرائيل ومن يساندها

قنوات الأفلام والأغاني

تتبع عورات الناس

اكتر ست حاجات بتحبها ؟

بحب الحرية

بحق الحق

بحب النور

بحب الأمان

بحب الميه

بحب النسمة الحلوة الصايفة

الانترنت بالنسبه لك؟

بابا وماما وأنور وجدي :D

الإنتر نت حيث أجد متعتي في الإتصال

والتواصل أيضا ..مع البشر مع المعلومات

مع كل حاجة

هتمرره لمين ؟

همرره لمين ..لمين ..

.

لكاااات ..رنين الصمت

م/محمد شمس الدين

بالله المستعان ..رؤية

الزهراء..أهي ماشية وبتعدي

أ/هاني جابر ..بحب الحرية طبعاااا

أ/ أبومفراح ..... نقطة وتحتها خط

ياسمين :حراس الحقيقة

أ/خطاب ..كش ملك

أ/قسامي ..عدي النهااار

.

.

.

.

.

وأخيرا ..شكرا مدونة هتكلم وهقول ..

وكل تاج وحضراتكم بخير ..وإعتبروني رديت عليه

:D

تاج .. جااااااااااااي

السلام عليكم ورحمة الله وبركاتة

هايوصل قريب : ]

مغامرات فلسف وذكذك

اول حلقة فى مغامرات فلسف وذكذك

تسمية للشخصيات

بحب الحق....ذكذك ....بحب الحرية ...........فلسف

صاحبتنا التالتة .....اوبجكشن

الحلقة الأولى

اثبات ان الحب مش من اول نظرة

عنوان غريب .... دايما بنقول حب من اول نظرة

بتهيألى فى حالتى انا وفلسف مكناش كده

نبدأ من الأول ....انا كنت لسة جاية من مصر ... بعد 4 سنين فيها ..... وزعلانة بقى انى سايبة صحباتى وجاية الرياض ... ومجموعات وحاجات غريبة مش متعودة عليها

اصل طبعا زى ما انتو عارفين نشيطة جدا ... زمان يعنى...... وكل يوم تجهير اذاعات فى الطابور

والرياضة مكنتش مقصرة فيها

مكنتش بهمد .... مشتركة فى كل حاجة وكل المدرسة عارفانى

هروح اقعد مع 8 ـ10 بنات بس ومفيش نشيد وطنى وتحية العلم

ما علينا ... جيت اول يوم اتعرف على المكان وفلسف بقى كانت موجودة .. اول ما شفتها حسيت ان البنت دى انا مش نزلالها من زور

ومر شهر شهرين تلاته ..... وكونت صداقة مع أنسة اوبجكشن

ومش على علاقة بدوتى خالص .. بس حصل فى للنص مواقف بينا كتير لذيذة

نحكى على اول موقف ..... ونشوف فلسف هتفتكره ةلا لأ

كان عندنا امتحان دراسات .... الكلام ده فى تانية اعدادى ...... يعنى سنة 2000 تقريبا

الحمد لله خلص الامتحان .... وطبعا انا حريصة انى اعرف الدرجة بسرعة .... على ايه مش عارفة

كنا بنروح 3 ايام فى الاسبوع .... شفتو النعمة

المهم اتصلت ... ازى حضرتك يا مس ؟

الحمد لله يا شهيدة

ايه الاخبار ؟

كويس .... جبتى 58.5

بس قبل لما اقفل طبعا عرفت كل الباقى جايب كام


شوية و مين كلمنى ..... فلسف ............ كانت اول مرة تكملنى فى البيت

قالتلى عرفتى الدرجة .. قلتلها ايوة انتى جبتى 57 ونص تقريبا

وسألتنى وقلتلها على درجتى ..... بس تقريبا مش سمعت كويس

قفلنا وخلاص

بعد شوية اتصلت تانى ....... اختى اللى ردت عليها

الموقف كله فى الحته دى ..... انها لما اتصلت .. قلت ايه تاااااااااانى فى ايه ؟
وكأنى مش طيقاها خالص .. لدرجة حتى انى مش عايزة اسمع صوتها

وقالتلى انتى جبتى كذا مش كذا

قلتلها ما انا عارفة ما انا قلتلك كدا

ومش علقت على تاااااانى دى وانا قلت اكيد مش سمعت الكلمة دى
والحمد لله ربنا ستر .. وعدى الموضوع على خير

بس طلعت كانت سمعتها .. وبعد كتييييير علقت عليها
وحكتلى على الموقف وفاكرة كلمة تانى .... وفضلت مساكاهه لى كتيييييير

اتاريها كانت سمعت انى بقولها ايه تانى ومرضتش تقولى عليها ساعتها

بس كده دا اول احتكاك مباشر

موقف بجد يضحك بس يمكن انا مش عارفة اوصفه

وخصوصا دوتى فضلت فاكراها

بس انا بجد مش قلت تانى زهقا

الى اللقاء مع الحلقة القادمة من مغامرات ...... فلسف وذكذك


بعنوان ..... اول زيارة

على فكرة انا مش همشى بالترتيب ... يعنى هنططكو فى ال 8 سنين

استنو استنو رايحين فين

لسه ....... نتعلم ايه المرة دى

فرست .... مش نحكم على الناس من اول مرة ...... يعنى انا قلت انا مش نازلة لفلسف من زور

لأنها هادية اوى وحسيت ان الصمت دا ضيق من البنت الجديدة اللى جاية ... حضرتى يعنى

بس مش كدا خالص .... فى ناس ممكن يبان منها حاجات غير اللى فى قلبها

فخدوا بالكو بلاش الصمت اللى بيخلى الواحد عاقل اوى كدا .... عشان اللى حواليكو ممكن ياخدوا انطباع غلط عنكو

سكند ..... وعسى ان تكرهوا شيئا وهو خير لكم وعسى ان تحبوا شيئا وهو شر لكم

انا كنت جاية مضايقة جدا ....... وزعلانة انى سبت صحابى

بس بجد الفترة اللى قضيتها هناك من احلى فترات حياتى بجدددددد

وكمان بقيت شخصية مختلفة احسن بكتير ... ايمانيا وعقليا ....

كفاية انى اتعرفت على اعز صداقة فى عمرى

الحاجة الوحيدة من زمن الحب البعيد الجميل اللى مش هيرجع تانى

اللهم ارزقنا الصحبة الصالحة واجمعنى بها على خير قرييييييييبا

كلام فى سركو ... كنت زعلانة اوى انى هلبس عباية ونقاب .... انا بحب امشى ملون

دا زمان يعنى ..... دلوقتى بقول لو يطبقوا نظام العابية دا فى مصر هستريح اوى من انى اقعد اشوف هلبس ايه

اترككم فى امان الله وانتظرووووونا

الممنوع مرغوب

سلام الله عليكم ورحمته وبركاته

عبارة سمعتها قبل كده ومش اهتميت بيها ....لكن اكتشفت انها عماد هام للنفس البشرية .....الممنوع مرغوب

مكنتش فاكرة انها مسيطرة اوى كدا على النفس ....

ومنها نفسر ...

*فى اوقات الدراسة بحس ان القراءة هى ملجئى الوحيد من كل الهموم ولما تيجى الاجازة ......بفقد الحماسة ليها خاااالص ولا بمسك كتاب

*تامر وسهى ....لسه مجوزين ...شفتو عسولين ازاى مع بعض
تعالى بص عليهم بعد سنة .....

*تخيل كذا شخص عايش لوحده ..يحلم كل يوم بوالده ووالدته واخوته
يأخذ على نفسه كل يوم عهد انه مش هيغلس على اخوه تانى ...هيفسحه ويخرجه ...
هيقبل كل يوم يد ابواه ...

لكن لما يرجع ويمتلك الأمر فى ايده..مش هيكون دا الحال

السؤال اللى بيفرض نفسه لماذا؟؟

لماذا نريد ما لا نمتلكه ...*هل هى طبيعة فى جبلة الخلق ..مسلم بها ؟

*ام انها حب السيطرة والامتلاك لمجرد ملأ هذا الفراغ ؟

لو كانت الأولى ...فلا تعليق

وان كانت الثانية ....فدا اللى وصلتله

خلق الانسان بغير حكمة ..وفى سعيه للحصول على الحكمة دى تلاقيه يبذل من الجهد ما تبلغه طاقته...متحمس لحاجة اوووووى وبعدين تقل حماسته

كل الناس عايزه تكون شيئا مذكورا ومن احدى الوسائل التحقيق......ان تٌشعر نفسك بأن لك هدف ..

وبتختلف الاهداف....ولكنها كلها بتقوم على حب السيطرة ...

ففى سعيك للنجاح ......تبذل الجهد .....وبتيجى النتيجة ايجابية

لكن النتيجة السلبية برضو موجودة ... واوقات بتوصل لدرجة التدمير

عذرا على هذا المثال ولكنه موجود فى الواقع ...

عندما يحول جيمى كل تفكيره فى اغواء ميمى
...يزهد فى النجاح
..يزهد فى الشلة وصحابه
..يزهد فى هواياته
..بس هدف واحد فى دماغه

ولكى لا يمر الموضوع مر الكرام ...دا اللى نستفيده

غلطت من الاول لما قسمت الممنوع مرغوب الى سببين....هى خليط من الاثنين

خصلة فى النفس ...نحطها تحت عدستنا ..لتعديل الاهداف

بمعنى انه لما تلاقى هدف جديد تسعى اليه ...فكر فيه الأول

شو ممكن تكون النتايج ....فكر فى البداية قبل ما تخسر السيطرة على جماح النفس
واخيرا ...جهاد النفس سمة مميزة جدا للاسلام .....لا تغض عنها الطرف اذا وجدت نفسك ترغب ما لا تملك

!! حجاب الموضة..كارثة في الشارع

..في الشارع ..في الجامعة ..في النادي ..وفي كل مكان

بنقابل بنات محجبات حجاب كامل ..وبنات محجبات ميني حجاب ..وبنات بمايكروحجاب..يعني حجاب استايل جديد

..وهنا بتكون الكارثة

!!بيسموه حجاب

بنت مسلمة ..لابسه بنطلون استرتشت..وبودي ضيق ..ولابسة طرحة ضغنونة على شعرها ..

!!وبتسمي نفسها محجبة

وبنت تانيه برده مسلمة ..لابسة بنتاكور..وبودي إلا ربع ..وبرده لابسة قماشه صغنونة على شعرها

!!بس مخرمة .. وبتسمي نفسها محجبة

وبنت تالتة كمان مسلمة ..لابسة جيب ضيق ..وبلوزة ضيقة ..وطرحة إسبانش..

!!وبرده بتسمي نفسها محجبة

وبنت ..وبنت ..ونماذج كتير غيرهم من حجاب الموضة ..

فللأسف كشفت تلك الكارثة ..إن إرتداء الحجاب لدى الكثيرين من الفتيات أصبح رمزا لا فرضا ..

!!وليس الأمر مقتصر فقط على الفتيات ..بل وأيضا السيدات اللواتي هم نصف المجتمع

معنى الحجاب؟؟

موقف في أحدى المحلات التجارية الشهيرة ..للملابس النسائية

دخلت فتاه محجبة حجاب إستايل جديد مع صديقتها ..وجلست تتجول في المحل تبحث عن لباس يناسب حجابها

..أمسكت بقطعة من الملابس ..وكانت بودي ضيق

وصاحت فرحا ..أيووووة .. هوا دا ..

!!وصاحت صديقتها ..هيبقى تحفة على البنطلون والطرحة الاسبانش

إقتربت منها أحدى زائرات المحل ..وكانت فتاة يبدو عليها الحشمة والإلتزام ..

وقالت بصوتها الهادئ: معلش إسمحيلي أتدخل ..بس عايزة أقولك إن زوقك فعلا يجنن

أنا البودي دا لفت نظري جدا في الفاترينا ..

القتاة تنظر لها مبتسمة : ربنا يخليك ..إتفضليه

الفتاه الملتزمة : تتحول بنظرها إلى التكيف جزءا من سلكه الكهربائي ..

وقالت :شايفه سلك التكيف دا ..

الفتاة مستغربة :ايواا

فأجابتها متأكدة ؟؟؟

الفتاة بعد قليل من التركيز :أيواا السلك في الداخل ..لكنة مغطى مادة عازلة تحجبه

خشية أن يسبب أضرارا للناس

الفتاة الملتزمة : تمام ..وهكذا المرأه ..كالسلك الكهربائي

إذا إنكشفت سببت صاعقة ودمار

!!الفتاه : طيب ما أنا متحجبه

..فتابعت الفتاة الملتزمة حديثها

ياعزيزتي الحجاب هو ستر والعفة والحجاب الشرعي أن تغطي المرأة مالايحل أن يراه منها غير محارمها ..

يقول الله تبارك وتعالى :((قل للمؤمنات يغضضن من أبصارهن ويحفظن فروجهن ولا يبدين زينتهن إلا ماظهر منها

((وليضربن بخمورهن على جيوبهن

ياعزيزتي أنت كاللؤلؤة ..والؤلؤة جمالها في حمايتها وروعتها في سمو هدفها

فأنت لؤلؤة مصونة بحجابك الجميل الساتر لك

****************************************

مشكلات وشبهات في طريق الحجاب الشرعى

أريد أن أكون جميلة

عايزة ابقى بنت مودرن ..إستايل

أريد أن أتزوج

يقول سيد قطب: الزينة حلال للمرأة تلبية لفطرتها فكل أنثى مولعة بأن تكون جميلة
وأن تبدو جميلة..والزينة تختلف من عصر إلى عصر ..ولكن أساسها في الفطرة واحد

وهو الرغبة في تحصيل الجمال أو إستكمالة وتجليته للرجل

والإسلام لا يقاوم هذه الرغبة الفطرية

ولكنه ينظمها ويجعلها تتبلور في الإتجاه بها إلى الرجل الواحد

وهو شريك الحياه ..

والله سبحانه وتعالى هو خلق الأنثى وهو أعلم بفطرتها شرع مايحميها وذلك بالحجاب الشرعي

الذي يداري جسد المرأة كله عدا الوجه والكفيين ..ليداري مفاتنهن ويحميهن من العيون الجائعة

أريد ان أعمل

والآن لاتوجد وظائف وأصاحب العمل يريدونها أن تكون جميلة ومبهرة حتى تجذب الزبائن

نقول لك

هل تريدي أن تعملي عملا تكوني فيه صاحبة عمل ومهارة..أم تريدين أن تكوني عارضة أزياء

العمل رزق بيد الله ..وليس بيد صاحب العمل

تكسبي مهارات خاصة ..كاللغة القويه والكمبيوتر والثقافة الخاصة ..

كل هذه المقومات تجعل صاحب العمل يتمسك بك

الحجاب الشرعي قيد

إنه يقيد الحركة ويمنع الإنطلاق في عصر السرعة

سأذكرك بصحابية الجليلة :نسيبة بنت كعب الأنصارية

هذه المرأة وشخصيتها وتاريخها فخر حقيقي لكل مرأة

"أسلمت وحضرت بيعة العقبة الثانيه مع الرسول -عليه الصلاة والسلام- ،قالت مع النبي في أحد وثبتت معه

ودافعت عنه وجرحت وقطعت يد إبنها ..حتى دعا لها النبي ولأبنائها : اللهم إجعلهم رفقائي في الجنة

!!هذه شخصية إمرأة محجبة محتشمة ..فهل عاقها حجابها عن الجهاد مع رسول الله

وكذلك السيدة جيهان الحلفاوي ..سيدة من الإسكندرية

أبحثي وإقرئي عنها ؟

*******************************

هسة أخيرة في أذنك

نريد أن يكون حجاب النفس قبل حجاب الرأس ، وذلك بحب العفة والإحتشام

نريد أن يكون الحجاب معنى شامل لحجاب الفتاة المسلمة فهو الغلاف الذي يغطي تحته جوهرة عظيمة تحمل الكثير من

الكنوز من الأخلاق وحب الخير للآخرين