فى يوم نزلت الاستقبال عندنا فى المستشفى
وكان فى عيان جاى بتوقف قلبى....مش عارفة بالعربى كده صح ولا ايه
Ht arrest
كان حوالى 35 ستة ...يعنى يعتبر شاب...والدته واخته جايبينه
كان عنده مشاكل فى القلب من زمان وعمل كى وموال كده
عملنا له و ECG
وبعدين الدكاتره قرروا ان مفيش حل غير الصاعقة الكهربية ...عشان يرجعوا القلب للنورمال ريزم
كان اول مرة فى حياتى اشوفها بجد
الدكاتره الكبار قعدوا يقولولنا طلعوا اهل العيان بره ....كله يبعد عن السرير ...وحطينا عليه جل ازرق كده
كان احساس غريب عليا انى اشوف حد بيتنفض النفضه دى قدامى....يااااه
ربنا يشفي الجميع
انا كل اللى كنت بفكر فيه امه اللى بره دى وشايفه كل حاجة ...اى نعم احنا طلعناهم بس انتو عارفين الشعب المصرى ....شايفين كل حاجة من بره
دموعها كانت ماليه عنيها ....كان هاين عليا اروح احضنها بس قلت مش اخضها
فعلا كان موقف صعب
انا حاسة باحباط ...انى ممكن اوصل لمرحلة انى اتعامل مع الام الانسان بصورة من البرود او ...التعود ...مش عارفة
اللهم انك اعز واعظم واكبر مما اخاف واحذر
No comments:
Post a Comment