سلام الله عليكم ورحمته وبركاته
ازيكم يا جماعة
فعلا ليكو وحشة
بس معلش بقى هى الدنيا كده
فى جوايا كمية تساؤلات لا نهاية لها
فقررت اخد رأيكم فى الحاجات دى
ولكن الاول السؤال البديهى
هل الاأفضل البحث عن الاجابة
ام تفضيل الصمت والمضى قدما فى الحياة والانتظار حتى تأتى الاجابات الينا بنفسها
حاسة ان البحث عن الاجابات متعب وبيضيع معاه حاجات كتير عارفة اننا هنحس بعد كده انها اكثر اهمية
تنوية اولا :::::
هتحسوا فى كلامى بتناقض كبير جدا بس معلش استحملونى وادعولى تعدى على خير
اول سؤال::
ليه دايما لما بنيجى نسأل حد كبير وعاقل احنا ليه بنفكر كتير دلوقتى ومش عارفين نوصل لحل
وكل يوم بقرار
دايما بتكون الاجابة انه طبيعى فى السن ده
طيب لغاية امتى طبيعى
وايه الحل فى الى بيحصل ده ؟؟؟؟
هنفضل ساكتين على نفسنا كده
سامحونى
انا كمان معاكو ومش راضية عن الكلام اللى كتبته ده
بس معلش بقى
اترككم فى امان الله ويجمعنا حب الله
محدش يسأل عن العنوان او ايه علاقته بالموضوع
8 comments:
ربنا يستر وتوأمتى مش تزعل منى انى غيرت الاسم من غير ماقاولها
بس اهى محاولة
سلام الله عليكم
أسأل الله أن يهدينا سبله و يرضى عنا
و يهدى قلوبنا فى هذا السن الحرج الملئ بالتساؤلات و التناقضات و القرارات ثم الرجوع عنها
طبعا ميفهمش
withdrawal reflex
إلا شخص فى طب و درس
physiology
كويس
و لاسيما
CNS
و كمان شق
sensory
أنا فاهم المعنى و المقصود منه إلى حد ما
و مدى توافق العنوان مع المكتوب
هو حقيقة أجد أن الاجابة على التساؤلات أصلح شئ ... كى ينقطع حبل التفكير فى نفس التساؤل
لأن إرجاء الإجابة تجعل الشخص يدور حول نفسه و حول التساؤل الذى لم يتم الاجابة عنه
لكن فى بعض الاحيان-ولقلة التجارب- نجد أننا لا نستطيع الاجابة
و إن أجبنا على التساؤل أو أجابنا غيرنا على التساؤل بخبرته
لا نستوعب الرد بصورة كاملة .. نتيجة عدم تجربتنا
سأكمل لاحقا
د.حماس
جزاكم الله خيرا يا دكتور
فى انتظار التكمله سريعا باذن الله
حاسة دماغى هتتفرتك
أكمل ردى ...
احنا كشباب عندنا كثير من المشكلات الخاصة التى لا يستوعبها أغلب ((الكبار))
و قليل ما هم .. من يدركون أسرار هذه الفترة .. و من يتعاملون معنا بصورة صحيحة .
و للأسف أجد أنه لا بد من التجربة و الخطأ
و لكن بعض من هذه التجارب التى نمر بها .. تؤدى بنا إلى الكثير من المشكلات المترتبة على التجارب و نندم
و فى بعض الأحيان نقول يا ريتنا سمعنا كلام من سبقونا و من هم أكثر منا خبرة
حضرتك بتقولى
---------------------------
ليه دايما لما بنيجى نسأل حد كبير وعاقل احنا ليه بنفكر كتير دلوقتى ومش عارفين نوصل لحل
وكل يوم بقرار
دايما بتكون الاجابة انه طبيعى فى السن ده
----------------------------
هو فعلا كلامهم سليم جدا ... دى طبيعة سننا
و كل من هم كبار الآن قد مروا بنفس هذه الفترة .. لم يولدوا كبارا
و وقعوا فى أخطاء كثيرة و تعلمو منها و وصلوا لحالة من القناعة بأنه لابد من الرضا بالحياة كما هى و لابد من انهاء التمرد و مواجهة الواقع بعقلانية
أنا أرى انه السبب في أننا بنفكر كتير و مش بنوصل لحل فى فترتنا هذه
أن العاطفة عندنا جياشة مع وجود القوة و الطاقة لانفاذ العاطفة
فتفكيرنا أغلبه يكون بالعاطفة لا بالعقل و الواقعية
----
حضرتك قلتى:
هل الاأفضل البحث عن الاجابة
ام تفضيل الصمت والمضى قدما فى الحياة والانتظار حتى تأتى الاجابات الينا بنفسها
-------------------------
رأيي أن نبحث و لا نجعل الأمور تتراكم
الاجابة عن التساؤل تشفى الصدر
و لكن نطلب الإجابة ممن يعلمها
لا من يحتار مثلنا فى الاجابة
----
مشكلتنا أننا فى هذا السن لا نثق بسهولة
و لا نفتح قلوبنا لأى أحد
بل نفكر كثيرا قبل أن نبوح بما فى الصدر
هى مهمة الآباء و المربين
لكن الآباء لم يتدربوا إطلاقا على فن الإنصات و فن الحوار بالأخص مع سننا
لذلك فعلا نادرا ما نجد من نثق بحكمته و نرتاح له نفسيا فنطرح تساؤلاتنا كلها بلا خجل أو تردد
-----
الأمر معقد إلى حد ما و لكن إن لم نجد من نثق به
و إن لم نصل لإجابة شافية و هذا وارد
فلا حل إلا أن نصبر و فقط
و الأصل فى كل الحلول
أن نلجأ إلى الله فى كل ما يساورنا
و نجعل اعتمادنا عليه
و نوقن بأنه
((أليس الله بكاف عبده)) ؟؟
-------------
هناك بقية للحديث و لكن بعد أن أعرف تعليق حضرتك على ما قلت
----------
أستودعكم الله
د.حمــــــــــــــاس
أهلاااا بعودتك يا حبيبتي
آه طبعا أنا زعلت إنك غيرتي نيك نيمك
المفروض تغيري نيك نيمي معاك
يعني إنت تحاولي وأنا لأ
:D
الحقيقة أنا عندي في قاموسي مصطلح
Withdrawals
تبع البرامج السيستم بتاع البنوك
لكن شكل الWithdrawal
إللي إنت بتحكي عليه دا حاجة ماتطمنش
أو يعني تطمن بعد رد أخونا د.حماس
أعتقد إنه كلام شافي ووافي
ربنا يكرمـك يادكتورة يا عظيمة ..
وجزاك الله خيرا د.حماس
جزاكم ربى خيرا
أنا سجلت التعليق بمدونة سابقة
مدونتى الحالية و المستمرة ان شاء الله
هى
http://dr-hamas.blogspot.com/
أكرمكما رب العالمين
و أدام الله ودكما
عشان احنا كلنا نشاط وحيويه
عاوزين نعمل حاجات كتيير
ممكن مش قادرين نوصل لقرار عشان احنا فى مكان محدود وامكانياتنا محدودة وغالبا مش بنلاقى حد يساعدنا
دا راى
ياؤيت تشرفونى فى مدونتى
emhearts.blogspot.com
الحالة دي بيتجيلنا كلنا
وشايف الحل اننا نسأل حد اكبر عقلا وحكمه
وكل شيء هيوضح ان شاء الله
Post a Comment