اولا احب ابارك لكل الناس على الاجازة
وعقبالكو لما النتايج تظهر:)
كتير اوى بنحس اننا مضايقيين ...فحبيت اشارككو بعض افكارى وانا مضايقة محاولة فى الهروب من الضيق بالتفكير
حاجات كتير بنكون عارفينها لكن مش بنعرف نتجاوز من حد المعرفة الى مجال الفعل
عارفيين ان المفروض نبذل اقصى جهد ومش نضيع وقت ....
عارفيين ان المفروض نخلى القراءة عادة....
عارفيين ان مش لازم نبص لأحزان الماضى ونكمل طريقنا!!!
عارفين ان دى احلى سنين حياتنا ...مفيش التزامات ...مفيش مسئوليات ...
عارفين حاجات كتير اوى بس مش كلها فى دماغنا فى كل وقت ..عشان تهون علينا يعنى
لما بفكر فى الناس الكبار شوية فى السن .....بقول لنفسى يارضوى هيجى عليكى الوقت اللى عايزة تعملى فيه حاجات ومش هتقدرى
فاعملى دلوقتى وانتى قادرة ...عشان هيجى اليوم اللى عايزة ومش قادرة
______________________________________________________
وانا مضايقة دلوقتى ...قعدت اجيب صور لناس مشوهيين...عندهم اطراف مقطوعة...مقعديين
ناس عندهم مشاعر واحلام ...بيفكروا وعندهم رضا غريب بجد...اللهم بارك
رغم اللى فيهم بس عندهم أمل ...عندهم ايمان قوى ...متمسكيين بحلمهم اوى
لما بفكر فيهم بحس انى تحت اوى ...الحمد لله ربنا انعم عليا بالصحة والعقل....بس اوقات بضيع كل النعم دى فى لحظات ضيق او زهق !!
فعملت فولدر عندى فيه صور كده ...وسميته اتقى الله
بس بجد اوقات مش بقدر ...كأنى متكتفه
__________________________________________________
اوقات بنحس انى لوحدى اوى ...وبفكر كتير اوى ...اكتر من اللازم
انفكر فى حاجات كانها منقذة ليا من الوحدة !!بس لما الحاجة دة تتحقق...ملقيش انها بالصورة الحالمة الرائعة اللى كنت حاطاها
فاللى طلعت بيه...ان مش لازم استنى حاجة...همشى فى طريقى زى ما ربنا كاتبه
4 comments:
الانسان دايما بيضيع حاجات كتير من ايده وهو مش عارف ان فيه غيره بيتمني انه يكون عنده مقدره وهو يعمل الحاجه دي
فعلا لو الواحد تامل في نفسه هيشكر ربنا علي نعم كتير
الحمد لله
رضوى حبيبتى مش عايزاكى تتدايقى صدقينى والله مافيش حاجة تستاهل وصدقينى هو جو الاحباط مسيطر على الكل بطبيعة اللى بيحصل
وانتى عندك حق لما قلتى اننا لازم نبص للى حوالينا وقتها فعلا بنقول الحمد لله
ولما تلاقى نفسك متدايقة ومخنوقة حاولى تشوفى حد قريب منك اوى ساعات كتير بنبقى كل اللى محتاجينه حد يسمعنا وينسينا
وربنا ييسرلك امورك ويصلحلك الاحوال واجازة سعيدة يارب ان شاء الله
ولو احتجتى اى حد يسمعك او حتى يصدعك برضه هههههههه انا تحت امرك رنيلى بس ياستى وانا هتصل وافضل ارغى وارغى وانتى عرفانى بقى
ياربى على نفسوياتك دي يا رورو
بصي ياحبي ، مش لازم دايما نقلل من نقدر نفسنا وإنجازتنا في الحياة
مش دايما نبص لنفسنا بعين السخط والعجز
لكن شوية ثقة على شويتين أمل أهم
إرسمى أحلامك..إسرحي بخايالاتك لحد العنقاء ولما تحققى حلم منها تبقى فخورة بنفسك مؤمنة بذاتك ..عندك ثقة في ربك ..ودايما خلي شعارك في الحياة
القادم أجمل بإذن الله
Post a Comment