كنت بفكر فى فايدة المنتديات بالنسبة ليا
قلت اسأل نفسى انا بدخل على المنتدى اعمل ايه؟
اقرأ مواضيع الناس واقول رأئى فى مواضيع النقاش
اعرف اخبار جديدة
اعمل مواضيع ليا
وشوية هزار
النقاش ...انا على قناعة انى بطلع منها زى ما انا ...مبغيرش رأئى
التانية ...اهى اخبار عادى
مواضيعى مش بحس ان حد بيستفيد منها
قلت اسأل نفسى انا بدخل على المنتدى اعمل ايه؟
اقرأ مواضيع الناس واقول رأئى فى مواضيع النقاش
اعرف اخبار جديدة
اعمل مواضيع ليا
وشوية هزار
النقاش ...انا على قناعة انى بطلع منها زى ما انا ...مبغيرش رأئى
التانية ...اهى اخبار عادى
مواضيعى مش بحس ان حد بيستفيد منها
كتير كنت بسأل نفسى ليه محدش بيتفاعل معايا فى مواضيعى؟؟
ووصلت ان طبيعة مواضيعى ...خبرات حياتية شخصيةاو تذكرة دينية ...وصلتلها من تجارب او احساسات
فطبيعى ان اللى بيقرأ مش يحس باللى بقوله لأنه مش جربه
وبعدين جه فى دماغى سؤال...هل لو مكملتش مواضيعى دى هيبقى علم وحبسته عن غيرى؟
قلت لا ...النقطة ان التجربة خير برهان....انا وصلت للأفكار اللى فى دماغى دى بتجربة معينة
ولو حد جه قالى اعملى كذا وكذا انا جربته ...مش هحس بفايدته غير لما اختبره
طيب يا روضى فكرى فى الموضوع من الناحية التانية
بتخسرى ايه من القعدة على المنتديات ؟؟
كل مرة ادخل النت بسررررررعة افتح المنتدى
اقعد اقرأ وارد واضايق من الموضوع ده واضحك على ده...والوقت بيضيع
بعد الشهر اللى رجعت فيه المنتدى ..حسيت ان كل الحاجات التانية اللى بكون عايزة اعملها على النت بتاخد مرتبه تانية مع انها اهم
طيب خلاص ...خلصت كده...ابعدى عن الحاجة اللى بتعطلك
لأن بعد تفكير عميق فى الموضوع...مش بستفيد الاستفادة اللى بترضينى
بتخسرى ايه من القعدة على المنتديات ؟؟
كل مرة ادخل النت بسررررررعة افتح المنتدى
اقعد اقرأ وارد واضايق من الموضوع ده واضحك على ده...والوقت بيضيع
بعد الشهر اللى رجعت فيه المنتدى ..حسيت ان كل الحاجات التانية اللى بكون عايزة اعملها على النت بتاخد مرتبه تانية مع انها اهم
طيب خلاص ...خلصت كده...ابعدى عن الحاجة اللى بتعطلك
لأن بعد تفكير عميق فى الموضوع...مش بستفيد الاستفادة اللى بترضينى
خلاصة الموضوع::
المنتديات دى مرحلة انتقالية فى الاستفادة من النت ...مرحلة وبتخلص ...عشان تعدى للمرحلة اللى بعدها
انا صح ولا غلط مش عارفة
هغير رأئى ولا لا مش عارفة
6 comments:
اول ما كتبت البوست وجيت اكمل جولتى على المدونات
حسيت بتفاهتى اوووى
بس بعد لحظة تفكير
قلت مش مشكلة ...على رأى ايوش..انت حيث اوصلتك افكارك
بمعنى ان التافة انهرضة ...مصيره يطور نفسه بكرة
:D
رورو ..عودا أحمدا عزيزتي
نورتي بلوجك
*********
التدوينة دي جميلة جدااا أشبه بالحديث النفسي
وزي مابيقولوا علماء النفس إن الأحاديث والهواجس النفسية ماهي إلا رسائل سلبية ..و100 % بتكون غلط
:P
هي المنتديات في بداية ظهورها من سنوات عديدة كان بيطلق عليها ساحات الحوار ..يعني الأصل منها مساحة للنقاش
الفكرى وطرح وتبادل الأفكار
بين مخلتف التيارات والأديان والأجناس
وهي أحد مظاهر العولمة في الجانب الفكرى
وكانت فعالة بشكل جيد .. لكن بدأت تأخذ طابع الآخر من عدم الجدية وتتنوع فيها الأقسام ويتدنى فيها مستوى النقاش الفكرى ..ويكون الهدف الأول منها الترفيه
وخصوصا المنتديات العربية ..وأصبحت أشبه بالقهوة !!
لكن هذا لايمنع إن لازلت هناك منتديات عربية جيدة ..
فقط كارثة عدم التفاعل معها نشأت بعد ظهور التدوين وظاهرة إحتكار الأفكار والرؤى الشخصية ..
فأنا عن نفسي أرى إنها ليست مرحلة إنتقالية.. المنتيات مساحة جيدة للحوار الفكرى والتعبير عن الآراء ولابد أن تظل محتفظة بهذاالطابع الخاص ..لو ظهرت مساحات أخرى على الإنترنت من طابع آخر !!
المنتيات فقط تبدو غير مجدية في المجتمع العربي :D
جزاك الله خيرا حبيبتي ، سلمت يمينك
فعلا يا توأمتى الغالية
النقطة دلوقتى عدم الجدية شوية
حاسة فى كلام بس بلاش اقوله احسن
كلامك مظبوط
مش عارف .. انا شايف ان حياه الأنسان دى مجرد خطوات اما انه يخدها او يرجع فيها ولو خدها مينفع انه يندم .. عشان هو استفاد سواء كانت حاجة غلط او صح .. انا شايف مهما كان النت بيضيع الوقت فهو فعلا بيفيد والأراء المختلفة بتولد ثقافة مختلفة وبكدة بنتعلم كلنا انا وانتى وغيرنا .. وعشان منضيعش وقتنا احنا ممكن نستغله بطريقة صح .. ازاى ..
انى انظمه.
ربنا يعينك .. وخدى نيه وعمر مالوقت هيكون ضايع
محمد من كش ملك
تماااام
تعليق حضرتك ده شمل ازاى نحكم على كل حاجة فى الدنيا ...نت او غيره
نية
تنظيم
استفادة من السلبى او االابجابى
ثقافة مختلفة
ودا كله هيوصلنا فى الاخر...لمحور الشخصية
.......................
الموضوع بالنسبة لى فى المنتديات كان وقفة وترتيب اولويات
جزاكم الله خيرا كثيرا على هذا التعليق
Post a Comment